Leigðu fallegt og notalegt einbýlishús í höfuðborginni!

Fullbúið heimili fyrir alla fjölskylduna er besti kosturinn þegar fjölskyldan fer í frí! Húsið er tvílyft bárujárnsklætt timburhús, rúmlega hundrað ára gamalt og hefur allt verið uppgert af núverandi eigendum. Hér mætast andblær liðins tíma og nútíma þægindi, falleg antík húsgögn og fyrsta flokks rúm sem tryggja gestum góða hvíld. Verið velkomin að gista hjá okkur og njótið allra þeirra þæginda sem raunverulegt heimili hefur að bjóða. Staðsetningin er miðsvæðis og stutt til allra átta.
Laugavegurinn liggur samhliða Grettisgötunni og örstutt bæði í Bónus og Sandholts-bakarí. Bestu kaffihúsin, matsölustaðirnir og sælkeraverslanirnar eru allt um kring.

Í húsinu er 3 svefnherbergi með samtals 8 rúmum, herbergin eru með vaski og sjónvarpi, Eitt baðherbergi er í húsinu með bæði sturtu og baðkari.
Eldhúsið er vel búið tækjum og í borðstofunni sem ber svipmót gamals tíma, með húsgögnum frá aldamótunum 1900, þar sem 10 manns geta setið saman til borðs.

Grunnmynd af húsinu og fleiri myndir.

Besti kostur fjölskyldunnar í fríinu! Við bjóðum ykkur velkomin á heimili okkar í Reykjavík.

Forsæla er reyklaus.